٠١ / ٠٥
تطوير الحملات التسويقية
منقرا سوقك ومنافسيك عن قرب، ومنبني خطة على قياسك، ومنعيد تموضع علامتك حيث تستحق تكون.
شو بتاخد بالضبط
- تحليل السوق والمنافسين ومواقعهم
- تحديد الجمهور والرسالة والتموضع
- خطة حملة مكتوبة: القنوات، التوقيت، الميزانية، المؤشرات
- قياس ما بعد التنفيذ وتوصيات الجولة الجاي
الدليل · حملة «سوريا الحكاية بتجمعنا»
مبادرة من مشمش بدعم وزارة الثقافة والتحالف السوري الأمريكي. من الفكرة للتنفيذ: هوية وطنية بالبورتريه، فيلم ١٧٠–٢٠٠ ثانية، ١٠ لوحات طرقية، ومحتوى رقمي — كلها بخط واحد متسق.
شوف الحملةلمين: علامة عندها منتج منيح بس السوق ما بيعرفها · علامة بدها تدخل سوق جديد · مؤسسة عندها رسالة وطنية أو اجتماعية بدها توصل.
٠٢ / ٠٥
تصميم الهوية البصرية
شعار يشبهك، ولغة بصرية بألوانها وخطوطها، ودليل هوية بيحفظ حكاية علامتك مو بس شكلها.
شو بتاخد بالضبط
- الشعار ونظام استخداماته
- لوحة الألوان والخطوط والعناصر البصرية
- دليل هوية مكتوب (Brand Guidelines)
- التطبيقات: المطبوعات، التغليف، الموشن جرافيك، السوشال
الدليل · بربل كابس، جدة
محمصة قهوة مختصة. بنينا منصّة إبداعية واحدة ونظام تغليف بيتّسع لـ١٨ صنف وبيقبل كل محصول جديد بلا ما ينكسر النظام.
شوف الحالةودليل تاني · بودكاست «مِش إمبوسيبل»
صنعناه من أوّله: الاسم، الشعار، السِت، الإخراج. الشطبة على IM لتبقى POSSIBLE — فكرة وحدة بتشتغل بكل مقاس.
شوف الحالةلمين: علامة جديدة بتبلّش من الصفر · علامة قديمة شكلها ما عاد يشبهها · منتج بدّو نظام تغليف بيكبر معه.
٠٣ / ٠٥
إنتاج المحتوى الإبداعي
منبلّش من البحث والفكرة، ومنكتب المحتوى، ومننتج الفيديو والبودكاست، ومندمج منتجاتك بذكاء داخل محتوى يليق بكل منصة.
شو بتاخد بالضبط
- استراتيجية محتوى ومحاور وتقويم تحريري
- كتابة السكريبتات والنصوص
- إنتاج فيديو احترافي: تصوير، صوت، مونتاج، ألوان
- إنتاج بودكاست: سِت، تصوير، إخراج، تقطيع
- دمج المنتج داخل المحتوى
الدليل · د. سارة النحّاس
أكتر من ١٠٠ فيديو تعليمي وبرسونا مبنيّة من الصفر. +١٨.٣ مليون مشاهدة شهرياً و٦٧١,٤٥١ تفاعل شهرياً على أربع منصات. وأكتر من ٨٠٪ من تسجيلات الحضانة إجت من التفاعل الرقمي.
شوف الحالةودليل تاني · أرز ريام، الإمارات
من سلعة صامتة على الرف لحكاية تُروى. ٢٤ حلقة، و+٣.٥ مليون مشاهدة و+١٩٠ ألف تفاعل بالشهر.
شوف الحالةلمين: علامة عندها منتج وما عندها حكاية · علامة بدها حضور فيديو منتظم · شركة بدها بودكاست باسمها.
٠٤ / ٠٥
شراء المساحات الإعلانية · ميديا باينج
منخطّط إعلانك ومنوزّعه بذكاء، ومندير حملاتك المدفوعة ومنحسّن أداءها أول بأول، ليرتفع عائدك على كل ما تنفقه.
شبكة مشمش الإعلانية — مو بس منشتري، نحنا كمان منبني ومنشغّل
ثلاث قنوات بنيناها من الاسم للهوية للإخراج — تنتين من إنتاج مشمش الخاص، والتالتة بنيناها ومنشغّل إنتاجها الشهري — وإلها جمهورها. يعني جزء من حملتك فينا نضمنلك ياه كاملاً، مو محجوز من طرف تالت ومرهون بمزاجه.
| القناة | مشاهدة شهرياً | تفاعل شهرياً |
|---|---|---|
| د. سارة النحّاس | +١٨.٣ مليون | +٦٧١ ألف |
| مختار السوق | +٤ مليون | +١٠٠ ألف |
| بودكاست مِش إمبوسيبل | +٣.٥ مليون | +١٥٠ ألف |
| المجموع | +٢٥ مليون | +٩٢٠ ألف |
شو بتاخد بالضبط
- تخطيط الميديا — خطة مكتوبة قبل ما ينصرف قرش: وين تنحط الميزانية، والوصول المتوقّع من كل طبقة، والجدول الزمني
- الشراء — بأسعار شبكة وعلاقات مبنية من سنين، مع تثبيت الأسعار كتابياً وبدائل جاهزة إذا صفحة تأخرت
- الحملات المدفوعة — إدارة ميتا وجوجل وتحسينها أول بأول
- الحملات الطرقية — لوحات طرق ومدينة، تصميم وطباعة وتركيب وتوثيق مصوّر
- إدارة الصرف — كشف مفصّل بند بند، مع رابط ولقطة شاشة لكل إعلان اننشر
لمين: علامة عندها ميزانية إعلانية وما بتعرف وين الأفضل تنصرف · علامة بدها وصول سريع لجمهور سوري أو خليجي · إطلاق منتج بدّو ضجّة بوقت محدد.
٠٥ / ٠٥
إدارة الشبكات الاجتماعية
خطة نشر واضحة، وجدولة وتنفيذ يوم بيوم، ومجتمع بيكبر حول علامتك، وتحليلات بتخبرك وين بتربح.
شو بتاخد بالضبط
- خطة محتوى شهرية وتقويم نشر
- تصميم وكتابة كل منشور
- جدولة ونشر يومي على المنصات المتفق عليها
- إدارة التعليقات والرسائل وبناء المجتمع
- تقرير شهري بالأرقام والتوصيات
الدليل · مختار السوق
برنامج بيفنّد شائعات السوق. وصل +٤ مليون مشاهدة و+١٠٠ ألف تفاعل بالشهر بنموّ عضوي بالكامل — صفر ليرة إنفاق إعلاني.
شوف الحالةودليل تاني · مركز الشرق للعطارة
من قلب سوق البزورية بدمشق: تصوير وفيديو وتصاميم لعلامة تراثية.
شوف الحالةلمين: علامة عندها حسابات نايمة · علامة بدها حضور منتظم بلا ما توظّف فريق · محل أو مطعم بدّو زبائن من الأونلاين.
كيف منشتغل
أربع خطوات، بلا مفاجآت
نفهم شو بدك توصل
جلسة وحدة منحدد فيها الهدف والجمهور والميزانية والمدة. إذا الميزانية ما بتكفي للهدف، منقلك من هلق مو بالنص.
منبعتلك عرض مكتوب
شو رح ينعمل بالضبط، والتوقيت، والسعر. بتوافق عليه قبل ما نبلّش.
منشتغل ومنوريك أول بأول
ما في مفاجآت بالنهاية. كل مرحلة بتشوفها وبتعلّق عليها.
منسلّم ومنقيس
التسليم مع أرقام الأداء الفعلية، وتوصية واضحة لشو نعيد وشو نغيّر.
ما بتعرف من وين تبلّش؟
احكينا شو بدك توصل، ومنقلك أي خدمة بتوصّلك — حتى لو كانت مو عنا.