مشــمُش

مشمش شركة تسويق وإنتاج محتوى مقرّها دمشق، ومنشتغل بسوريا والإمارات والسعودية. الخدمات خمسة: تطوير الحملات التسويقية، تصميم الهوية البصرية والجرافيك ديزاين، إنتاج المحتوى والفيديو، شراء المساحات الإعلانية (ميديا باينج)، وإدارة حسابات التواصل الاجتماعي — يعني التسويق الإلكتروني من أوله لآخره. بس ما منعمل تصميم مواقع ولا برمجة؛ إذا هاد اللي بدك ياه منقلك من هلق مو بالنص.

أي شركة إعلان فيها تحكي رقم — السؤال شو الدليل تحتو. «مختار السوق» وصل +٤ مليون مشاهدة و+١٠٠ ألف تفاعل بالشهر بنموّ عضوي بالكامل، صفر ليرة إنفاق إعلاني، والرقم مفتوح تشوفو على المنصة نفسها. وشبكة الـ+٣٠٠ صانع محتوى منتابع أداءها شهرياً — مو عدد متابعينهم، بل مشاهداتهم الفعلية ونسبة وصولهم وثباتهم عبر الأشهر. وبالحملات المدفوعة بتاخد كشف صرف بند بند، مع رابط ولقطة شاشة لكل إعلان اننشر. الرقم اللي ما بيقدر ينفحص ما منحطّه.

لأنو ما في سعر واحد بيصحّ لكل الحالات: بيتغيّر حسب كم صنف بدّو تغليف، كم حلقة بدها إنتاج، كم منصة بدها إدارة، وقديش مدة الحملة. اللي منضمنه إنك ما بتعرف السعر بالتخمين: منبعتلك عرض مكتوب فيه شو رح ينعمل بالضبط، والتوقيت، والسعر، وما منبلّش إلا لما توافق عليه. وبعدها كل مرحلة بتشوفها وبتعلّق عليها — ما في مفاجآت لا بالشغل ولا بالفاتورة.

ما رح نقلك نحنا أفضل شركة تسويق في سوريا — هالجملة ما إلها سند وكل وكالة بتقولها. اللي فينا نثبتو: عنا تلات قنوات بنيناها من الاسم للهوية للإخراج — مختار السوق وبودكاست مِش إمبوسيبل من إنتاج مشمش الخاص، ود. سارة النحّاس بنيناها كاملة لعميل ومنشغّل إنتاجها الشهري — بتجمع +٢٥ مليون مشاهدة و+٩٢٠ ألف تفاعل شهرياً. يعني مو بس منشتري إعلانك، جزء من حملتك بمساحة نحنا بنيناها. وقبل ما تختار حدا، اسأل كل وكالة سؤالين: وريني حالة موثّقة بالتفصيل، ووريني كشف الصرف. عنا ٧ دراسات حالة منشورة على هالموقع، تلاتة منها بأرقام أداء كاملة والباقي بتفاصيل الشغل والمخرجات.

إيه. بالسعودية أعدنا بناء «بربل كابس» بجدة: هوية ونظام تغليف بيتّسع لـ١٨ صنف وبيقبل كل محصول جديد بلا ما ينكسر النظام. وبالإمارات «أرزّ ريام»: ٢٤ حلقة وصلت +٣.٥ مليون مشاهدة و+١٩٠ ألف تفاعل بالشهر. وإدارة حسابات التواصل الاجتماعي منديرها عن بُعد بلا فرق بالمتابعة ولا بالتقارير: خطة محتوى شهرية وتقويم نشر، تصميم وكتابة كل منشور، نشر يومي، إدارة التعليقات والرسائل، وتقرير شهري بالأرقام والتوصيات.