مشــمُش ← رجوع للموقع

مستند قانوني

سياسة الخصوصية

آخر تحديث: أيلول ٢٠٢٦

مشمش وكالة إبداعية في دمشق. هالصفحة بتشرح شو منجمع من بياناتك، وليش، ولوين بيروح — بلغة مفهومة مو بلغة محامين.

باختصار: منجمع نوعين — معلومات بتعطينا ياها بنفسك عبر نموذج التواصل، ومعلومات زيارة بلا أسماء لتحسين الأداء. والتانية ما بتشتغل إلا بعد موافقتك.

شو منجمع

لما تعبّي نموذج «لنتحدث»، منستلم:

الحقلمطلوب
الاسمنعم
اسم الشركةنعم
مجال الشركةنعم
السوق أو البلدنعم
رقم واتسابنعم
إيميل تواصلنعم
«احكيلنا أكتر» — نص حرلا
الخدمات اللي تهمّكلا

ما منجمع شي غير هيك من النموذج — لا عنوان IP ولا موقع جغرافي ولا سجلّ تصفّح.

ليش منجمعهم

سبب واحد: نرد عليك ونفهم طلبك. ما منستعملهم لأي غرض تاني، وما منضيفك لأي قائمة بريدية بلا ما تطلب.

لوين بتروح

النموذج بيبعت لـGoogle Forms وبينحفظ بجدول جوجل خاص بفريق مشمش. يعني شركة Google LLC بتعالج هالبيانات كمزوّد خدمة، وبتخضع سياسة خصوصية جوجل.

بنشوفها نحنا وبنرد عليك عادةً عبر واتساب أو الإيميل يلي أعطيتنا ياه.

ما منبيع بياناتك ولا منشاركها مع أي طرف تالت غير المذكورين بهالصفحة.

قدّيش منحتفظ فيها

منحتفظ برسائل التواصل طول ما في نقاش شغل قائم، وبعدها لحد سنتين كسجلّ تجاري. بتقدر تطلب حذفها بأي وقت.

الكوكيز والقياس

١ · ضروري لعمل الموقع — بلا موافقة

خمس قيم صغيرة بتنحفظ بمتصفحك حتى يشتغل الموقع صح. كلها بتضل على جهازك وما بتوصلنا أبداً، وما بتعرّفك:

المفتاحشو بيحفظلإيمتى
mmLangلغتك المختارةلحد ما تمسح بيانات المتصفح
mmMusicالموسيقى مشغّلة أو مطفيةلحد ما تمسح بيانات المتصفح
mmPoweredإنك فتحت شاشة البدايةلما تسكّر التبويب
mmScrollYمكانك بالصفحةلما تسكّر التبويب
mmConsentقرارك بخصوص قياس الأداءلحد ما تمسح بيانات المتصفح

هدول مو كوكيز تقنياً، وما بينستعملوا للتتبّع إطلاقاً.

٢ · قياس الأداء — بموافقتك بس

إذا وافقت، منشغّل Google Analytics 4 — بتقيس عدد الزيارات، والصفحات الأكثر قراءة، ومن وين إجا الزائر. بتحفظ كوكيز _ga و_ga_* لحد ٢٤ شهر.

قبل ما توافق، ما بينحمّل أبداً — لا سكربتاته ولا كوكيزه.

كيف تغيّر رأيك

فيك ترفض من البداية، أو تغيّر قرارك من هون بأي وقت. لما تسحب الموافقة، منوقف الأداة ومنحذف كوكيزها فوراً.

الحالة: —

سجلّات الخادم

Cloudflare و Namecheap بيسجّلوا طلبات الخادم تقنياً — متل أي موقع بالعالم — لأسباب أمنية وتشغيلية. ما منستعمل هالسجلات لتتبّع الأشخاص.

الفيديو والصور

الفيديوهات والصور بتنحمّل من media.mesh-mosh.com، وهو تبعنا ومستضاف على Cloudflare. الموقع نفسه مستضاف على Namecheap.

الروابط الخارجية

بالموقع روابط لحساباتنا على فيسبوك وإنستغرام وتيك توك ويوتيوب وواتساب. لما تضغط عليها بتخرج من موقعنا، وكل منصة إلها سياستها الخاصة.

حقوقك

بأي وقت فيك تطلب:

اطلب وبننفّذ خلال ٣٠ يوم كحد أقصى، ومجاناً.

كيف تتواصل معنا

إيميل[email protected]
واتساب+971 52 367 3884
العنواندمشق، سوريا

أطفال

الموقع وخدماتنا موجّهة للشركات والبالغين. ما منجمع بيانات عن قصد من أي شخص تحت ١٨ سنة.

تغييرات على هالسياسة

إذا غيّرنا شي جوهري، منحدّث تاريخ «آخر تحديث» فوق. إذا التغيير بيمسّ بيانات جمعناها منك سابقاً، بنراسلك.